Сұрақ-жауап

  • Сұрақ №: 43357
    Дата: 01.06.2018 15:13:20
    Аты-жөні: АМАНХАНОВА РОЗА
    Сұрақ:
    Мен 2014 жылдан бері алимент өндіре алмай отырмын. Ең бірінші Алматы қаласында Медеу ауданыдвық жеке сот орындаушында ісім қаралды. Өкінішке ол жақтағылар алимент төлеуші иесі Алматы қаласында түрғанмен, тұрақты мекен жайы Астана қаласында және ол адам жұмыс жасамады. Заң жүзінде біз ештеңе істей алмаймыз дейді. Мен 2016 жылы Астана қаласындағы Есіл аудандық сотына өтініш білдіріп,сот шешім шығарды. Іс жеке сот орындаушысына тапсырылды. Осы уақытқа дейін 3 жеке сот орындаушысы ауысып, ешқандай іс жүзеге асқан жоқ. Қазіргі сот орындаушы Абдрахматов Ашим Капесовичте 2016 жылы шыққан шешім бойынша жұмыс атқарып жатқан жоқ. Алимент екі балама ажырасқаннан бері төленген жоқ. жалғыз жалақыға екі баламды асырап отырмын. Тез арада осы мәселені шешіп беруіңізді сұраймын. Қанша жылдан бері алиментті өндіре алмай отырғаным заңға қайшы емес пе?
    Жауап күні:
    18 маусым, 2018 - 17:56
    Жауап:
    Аманханова Роза Омарбековна! Астана қаласы Есіл ауданының прокуратурасымен борышкер Қ. Қойшыбаевтан алимент өндіру туралы жазған өтінішіңіз қаралды. Борышкер Қ. Қойшыбаев Астана қаласы, Кенгир көшесі, №2 үй тұрақты мекен-жайдан 15.10.2015 жылы тіркеуден шығарылған. Қазіргі таңда, борышкер Қ. Қойшыбаев Алматы қаласы, Райымбек ауданы, Жаланаш ауылы, Абай көшесі, № 9 үйде тұрып жатқандығы анықталды. Алайда тұрақты тіркеуге тұрмаған. 14.06.2018 жылы №130/17-71-2489 санды қаулысымен жеке сот орындаушы А.К. Абдрахметовпен атқарушылық іс жүргізу құжаты орындаусыз кері қайтарылған. ҚР «Атқарушылық iс жүргiзу және сот орындаушыларының мәртебесi туралы» Заңының (әрі қарай-Заң) 48 бабының 1 тармағының 2 тармақшасына сәйкес, егер борышкердің өндіріп алу қолданылуы мүмкін мүлкі, оның ішінде ақшасы, бағалы қағаздары немесе табыстары болмаса және сот орындаушысы оның мүлкін немесе табыстарын анықтау жөнінде қолданған, заңда көзделген барлық шаралар нәтиже бермесе атқарушлық іс құжат өндіріп алушыға қайтарылады. Заңның 48 бабының 2 тармағына сәйкес, атқарушылық құжатты өндiрiп алушыға қайтару заңда белгiленген атқарудың ескіру мерзiмi шегiнде осы құжатты орындауға қайталап ұсынуға кедергi болып табылмайды. Осыған орай, Сіз Алматы облысы бойынша жеке сот орындаушылардын аймақтық палатасына атқарушылық іс құжатын қайта қозғау туралы тиісті өтінішпен арыздануға құқылысыз. Аудан прокуроры Д. Катаев орын. Сегизбаева Д.Б. тел. 73-03-08
  • Сұрақ №: 43325
    Дата: 31.05.2018 14:39:41
    Аты-жөні: Жамагатов Айтбек
    Сұрақ:
    Құрметті Астана қаласының «Сарыарқа» ауданының прокуроры Ж. С. Сматовқа ШҚО, Тарбағатай ауданы, Екпін ауылын тұрғыны Айтбек Жамағатовтан. Сізге төмендегі жағдайды хабарлаймын. Тарбағатай ауданының тұрғын үй-коммуналдық шаруашылық жолаушылар көлігі және автомобиль жолдары бөлімінің «Тарбағатай жолдары» шаруашылық жүргізу құқығындағы коммуналдық мемлекеттік мекемесі Аудан әкімінің 31.03.2014 жылғы № 280 қаулысы негізінде электрондық аукцион тәсілімен 25.05.2016 жылы № 35651 электронды аукционның қортындысымен сатылған. Иесі Бейсалиев Қайнар Омарбекович ЖСН 840128300596, жеке бас куәлігі № 023446240. Астана қаласы, Сарыарқа ауданы №188 үй, 19/2, пәтер 94. Байланыс № 8-7702-7770171. Зейнеткерлікке шығуыма байланысты Міндеті зейнет ақыға аударған жеке тұлғаның кіріс соммасы туралы анықтаманы бекітіп беру жөнінен бірнеше рет телефон арқылы хабарластым, электронды адресіне хатта жолдадым. Бірақ, менің хабарламаларыма жауап бермеді. Сондықтан сіздің тарапыңыздан ықпал жасап, көмектесуіңізді сұраймын. Құрметпен Жамағатов Айтбек Жұмабекович. 8-777-427-56-15
    Жауап күні:
    12 маусым, 2018 - 12:08
    Жауап:
    Ж. Жамагатовқа Екпин ауылы, Тарбағатай ауданы, ШҚО 071502 Құрметті Айтбек Жумабекович! 30.06.2017 жылы қабылданған «Прокуратура туралы» Заңға сәйкес өтініштерді прокуратурада қарау тәртібі өзгерген. Осы Заңның 6, 7 және 21-баптарына сәйкес, заңдылықты бұзушылықтар не олардың басталу қаупі туралы өтініштерді келесі жағдайларда прокуратура органдары қарайды: 1) физикалық, психикалық және өзге де мән-жайларға байланысты өз құқықтарын, бостандықтарын және заңды мүдделерін қорғауды өзі дербес жүзеге асыра алмайтын адамдардың; 2) шектелмеген адамдар қатарының; 3) егер бұл адамдардың өмірі, денсаулығы не Қазақстан Республикасының қауіпсіздігі үшін орны толмас зардаптың алдын алуға қажет болса, адамдардың, қоғамның және мемлекеттің құқықтарын, бостандықтарын және заңды мүдделерін қорғау үшін. Арызыңыздың мазмұнына қарағанда, оны прокуратурада қарауға болатын жағдайлар байқалмады. Сондықтан, «Жеке және заңды тұлғалардың өтініштерін қарау тәртібі туралы» Заңның 7-бабына сәйкес, Сіздің арызыңыз «Азаматтарға арналған үкімет» Мемлекеттік корпорациясы» коммерциялық емес акционерлік қоғамының әлеуметтік және зейнетақымен қамсыздандыру қызметін үйлестіру жөніндегі орталық филиалына жолданғанын хабарлаймын. Бұл жауаппен келіспеген жағдайда, жоғары тұрған прокурорға немесе сотқа шағымдануға құқылысыз. Сарыарқа ауданының прокуроры Ж. Сматов орын. Ғ. Сағатов тел: 71-23-75
  • Сұрақ №: 42264
    Дата: 23.04.2018 12:43:28
    Аты-жөні: Курмашев Серикжан
    Сұрақ:
    Қайырлы күн! 2009 жылдың қаңтарында Қарағанды қаласында орналасқан әскери бөлімге келісім-шартпен жұмысқа қабылдандым. 2010 жылдың шілде айында отбасының жағдайына қатысты шығып кеткенмін (әскери билетте пп 3 п 2 ст 37 деп көрсетілген). Осыған байланысты, анықтап алайын деген мәселем - қазір әскери қызметке қайта оралғым келеді, алайда қолданыстағы заңнамаға сәйкес қабылдай алмаймыз дейді әскери бөлімдер. Қандай да бір мүмкіндігім бар ма? Заңға өзгерістер тек кейіннен ғана енгізілгендігін ескеріп, мені қайта әскери қызметке қабылдаудың басқа жолдарын, негізге алатын басқа тұстары бар ма? Осы сұрақтың шешімін табуға көмек көрсетулеріңізді сұраймын. Рахмет.
    Жауап күні:
    15 мамыр, 2018 - 16:52
    Жауап:
    Құрметті Курмашев Серикжан! Қылмыстық, азаматтық және әкімшілік істер бойынша, сондай-ақ тексеру жүргізу, прокурорлық ықпал ету шараларын қолдану туралы шағымдар мен өтініштер қала Прокуратурасына арнайы әкеліп тапсыру, пошта арқылы және www.115.kz электронды порталына жіберу арқылы жолданады. www.115.kz электронды порталына өтініш жіберу үшін Халыққа қызмет көрсету орталығынан (ЦОН) алуға болатын электронды сандық қолтаңба (ЭЦП) болу қажет. Жауап алуды тездету үшін сұрақты қысқа әрі нақты қоюды сұраймыз.
  • Сұрақ №: 42205
    Дата: 21.04.2018 13:45:32
    Аты-жөні: Летхан Аманбол
    Сұрақ:
    Саламатсызба? Мени вокзалга кирип бара жатканда полицей токтатып мени тексерди... Бирак озин таныстырган жок... Мен Караганды каласына кетеин дегенмин мама ауыр халде соган асыгып бара жатканмын... Ешкандай кукык бузушылык истеген жокпын. Енди отырмын 3 сагат устаймын дейди...База жумыс истемейды дейдй. Не истесем болады. Билмеймин аузына келгенди айтып боктайды...
    Жауап күні:
    15 мамыр, 2018 - 16:08
    Жауап:
    Құрметті Летхан Аманбол! Қылмыстық, азаматтық және әкімшілік істер бойынша, сондай-ақ тексеру жүргізу, прокурорлық ықпал ету шараларын қолдану туралы шағымдар мен өтініштер қала Прокуратурасына арнайы әкеліп тапсыру, пошта арқылы және www.115.kz электронды порталына жіберу арқылы жолданады. www.115.kz электронды порталына өтініш жіберу үшін Халыққа қызмет көрсету орталығынан (ЦОН) алуға болатын электронды сандық қолтаңба (ЭЦП) болу қажет. Жауап алуды тездету үшін сұрақты қысқа әрі нақты қоюды сұраймыз.
  • Сұрақ №: 41807
    Дата: 06.04.2018 16:30:55
    Аты-жөні: Байжумурова Пернекул
    Сұрақ:
    Сәлеметсіз бе! Менің есімім Пернекул. Мен сізге ұялы телефоным бойынша хат жазып отырмын. 22-наурыз күні Астана қаласына қонаққа барып, МЕГА SILKWAY EXPO қалашығында болып жатқан концертте телефонымды ұралытып алдым. Мен 102 звандап мән жағдайды түсіндіріп менен арыз шағым қабылдап алды. IMEI кодымен бірге Есіл аудандық ішкі істер бөлімінің қызметкерлеріне бердім. Осы күнге дейін 1-1-де бір жауап жоқ. Олар шын мәнісінде жұмыс жасап жатса маған неге есеп бере алмайды? Тергеушіге звандасам бердім үйттім болды басқа сөз жоқ. Өзімнің аяғым ауыр. Мен енді не істеуім керек?
    Жауап күні:
    5 мамыр, 2018 - 19:09
    Жауап:
    П.Н. Байжумуроваға (Бас Прокурордың блогынан) Сіздің ұялы телефонды жымқыру дерегі бойынша қылмыстық қудалау органымен шара қолданбауы туралы арызыңыз қаралды. Сіздің арызыңыз 22.03.2018 жылы Қазақстан Республикасының Қылмыстық кодексінің 188 бабы 1 бөлігімен Астана қаласы Есіл ауданының ішкі істер басқармасымен сотқа дейінгі тергеп-тексеру бірыңғай тізіліміне тіркеліп, бүгінгі таңда тергеу амалдары жүргізілуде. Аталған іс зерделеніп, аудан прокуратурасымен Астана қаласы Есіл ауданы ІІБ-на iстi дұрыс шешуге қажеттi және объективтi зерттеу үшiн нұсқау жолданды. Сондай-ақ, Сіз ҚПК-нің 99 бабының талаптарына сәйкес, сотқа дейінгі тергеп-тексеруді жүзеге асыратын адамға қылмыстық процесс барысында маңызы бар мән-жайларды анықтау үшiн процестік әрекеттерді жүргiзу немесе процестік шешiмдерді қабылдау туралы өтiнiшхаттармен жүгінуге құқылысыз. Астана қаласы Есіл ауданының прокуроры аға әділет кеңесшісі Д. Катаев орын. Ш. Ештаев тел.71-20-86

Беттер