Сұрақ-жауап

  • Сұрақ №: 4019
    Дата: 24.09.2013 21:43:07
    Аты-жөні: Акімбай Ерқанат
    Сұрақ:
    Сәлеметсіздер ме Астана қаласының прокуратурасы! Мен Астана қаласының №71 лицей мектебінің 10 сынып оқушысымын.Мен 11 сыныпты бітірген соң прокурор мамандығына түсуді жоспарлап жүрмін. Біздің мектепте әскери кадет прокуроролар оқуы ашылғалы жатыр,Мен сол оқуды бітіріп еліме адал қызмет еткім келеді Әрине мен үшін бұл оз мақсатыма жетудің үлкен жолы болып табылады.Бірақ ол олай болмай тұр ол оқуға мектеп әкімшілігі 8-9 сынып оқушыларын қабылдауда. Менің ойымша бұл дұрыс емес өйтекені Барлық кадет оқуларына 10-11 сыныптарды қабылдайды жәнеде бұл оқу маған өмірде өз мақсатыма жетуге үлкен көмегін тигізер еді.Ал бұл оқу 8 сынып оқушыларына керегі жоқ деп есептеймін.Ол оқуға мектеп әкімшілігі 10-11 сыныптарды қабылдау керек өйткені олар 11 бітірген соң жумыс орнына түседі. Ал бұл 8 сыныптар үшңн мүлдем қажетсіз дүние.Өтініш осы мәселені қарастырыңыздаршы Астана қаласының прокурор әкімшілігі!!!
    Жауап күні:
    2013-10-09
    Жауап:
    Е.Әкімбайға Сіздің қала прокурорының блогына келіп түскен №71 мектеп-лицейінде ашылған әскери кадет прокурорлар оқуы мәселесі жөніндегі арызыңыз қаралды. Аталған мектеп-лицей әкімшілігінің жауабына сәйкес, биылғы 2013-2014 оқу жылында, мектепте Қазақстан Республикасы Бас әскери прокуратурамен бірлесе отырып ашылып жатқан кадет тобына 9 сынып оқушылар арасынан іріктеу жасалуда. Қазіргі таңда 10 сынып оқушыларына арналған жоспар жасалып, оған сәйкес қараша айынан бастап кадет тобына қабылдау жүргізіледі. Осыған байланысты, кадет тобына қабылдану үшін мектеп-лицей әкімшілігіне тиісті өтініш жолдаңыз. Астана қаласының прокуроры М. Жөргенбаев
  • Сұрақ №: 3621
    Дата: 29.08.2013 17:27:38
    Аты-жөні: Оразалиев Берик
    Сұрақ:
    Кұрметті Жөргенбаев Мұхтар Әкебайұлы!!! Астана қалалық прокуратурасына жұмысқа кіру үшін қалай резервке тұруға болады. Егер конкурс арқылы болса, қай сайтқа және баспасөз құралдарына жарияланады. Алдын-ала рахмет.
    Жауап күні:
    2013-09-09
    Жауап:
    Прокуратура органдарының резервіне тіркелу және конкурсты өткізу тәртібіне түсініктеме беруге қатысты Сіздің өтінішіңіз қаралды. Қазақстан Республикасының «Құқық қорғау қызметі туралы» Заңының 7-бабының 2-тармағына сәйкес, құқық қорғау органдарына қызметке тұру үміткерлерді міндетті түрде тағылымдамадан өткізе отырып, конкурстық негізде жүзеге асырылады. Конкурстық негiзде орналасатын лауазымдар тiзбесiн, конкурсты және тағылымдаманы өткiзу шарттары мен тәртiбiн мемлекеттік қызмет істері жөніндегі уәкілетті органмен келісу бойынша құқық қорғау органының басшысы айқындайды. Құқық қорғау органдарының орталық аппараттарында, ведомстволарында конкурс өткізу кезінде Қазақстан Республикасының барлық аумағына таралатын мерзімді баспа басылымдарында хабарландыру жарияланады. Аумақтық бөлімшелерде конкурс өткізу туралы хабарландыру тиісті әкімшілік-аумақтық бөлініс аумағында таралатын мерзімді басылымдарда жарияланады. Кадр резервінен тағайындалу арқылы прокуратура органдарына қызметке қабылдау үшін резервті қалыптастыру және үміткерлерді іріктеу тәртібі Қазақстан Республика Бас прокурорының 2004 жылғы 30 шілдедегі № 479 оа бұйрығымен бекітілген Қазақстан Республикасының прокуратура органдарына қызметке қабылдау және резервке тіркелу үшін үміткерлерді іріктеу Ережесінде анықталынған (Бас прокуратура порталында жарияланған). Сонымен қоса, қазіргі кезде Қазақстан Республикасының Бас прокуратурасы тек қана конкурс негізінде прокуратура органдарына қызметке орналасудың тәртібін реттейтін нормативтік құқықтық актіні өңдеп жатқандығын мәлімет ретінде хабарлаймыз.
  • Сұрақ №: 3530
    Дата: 21.08.2013 14:11:02
    Аты-жөні: Темірбаева Қаламкас
    Сұрақ:
    Құрметті Прокурор мырза! Сіздің уақытыңызды үнемдеу мақсатында сұрағымды қысқаша қоямын. Егер қандай да бір қосымша ақпарат қажет болса, беруге даярмын. Мен 22.08.2012 ж. Астана қ. Ішкі Істер департаментіне арыз бердім. Арызда аты жөні, тұрғылықты жері белгілі Дархан есімді азаматтың жер учаскесін ресімдеймін деп 8 мың доллар көлемінде ақша алып, қайтармай қойғаны туралы айтылған. Міне бір жыл уақыттан бері, осы арызыма нақты жауап не әрекет жоқ. Департамент өз кезегінде арызды Алматы ауд. Ішкі істер басқармасына жолдаған. Олар маған хабарламай істі жауып тастаған. Жауап болмаған соң 2 рет (!) Алматы ауд. прокуратурасына шағымдандым. Бірінші рет арызды Арайлым деген қыз, екінші рет Букин Жакен қарастырды Олар "Алаяқтық" бабымен іс қозғауға тапсырма берді. Соңғы рет прокуратура берген жауаптың нөмірі 2-160115-13-04389 15\1413(түсініксіз таңба)12 күні 15.04.2013 ж. Осы кезге дейін бірде бір рет маған тел соғып не хатпен хабарласқан ешкім жоқ. Орындаушы мамандар халықпен қалай жұмыс істеуді де білмейді ме? Телефон соқсаң салғырт жауап береді. Қанша адамның арыз шағымы жауапсыз қалып жатыр. Егер өзің жүгіріп іздемесең істі жаба салады. Ішкі істер органына деген сенімсіздік осыдан шығады. Қазіргі сәтте менің арызым (іс) Алматы ауд. ІІБ Бөпежанов Н. деген тергеушіде. 71-67-52 нөмірімен хабарласу мүмкін емес. Ал бөлім бастығы 71-67-09 телефонымен ешқашан сөйлесе алмадым. Үн жоқ. Бір жылдан бері осы қалада жүрген адамды әкеліп жауап алуға не кедергі екенін білгім келеді. Оған қоса прокуратураның нұсқауын орындамайды ма олар? Құрғақ уәдемен алдап келеді тек. Алдын ала рахмет!
    Жауап күні:
    2013-09-06
    Жауап:
    Құрметті Қаламқас Қажыбаевна ! Сіздің алаяқтық фактісі бойынша қылмыстық істің тергелуінің созбаландыққа салынып жатқандығы туралы арызыңыз қаралды. Тексеру барысында, 16.04.2013 жылы Алматы аудандық ІІБ-ның тергеушісі Н.Молдашевпен ҚР ҚК-нің 177 бабының 1 бөлігімен қылмыстық іс қозғалып, 05.06.2013 жылы айыпталушы ретінде жауапқа тартуға жататын адамның анықталмауына байланысты тоқталылғандығы анықталды. 29.08.2013 жылы Алматы аудандық прокуратурасымен аталған қылмыстық қудалау органының қаулысы қадағалау реттілігімен бұзылып, қылмыстық іс материалдары Алматы аудандық ІІБ-на тергеу амалдарын жүргізу үшін жолданды. Қабылданған процессуалдық шешім бойынша қылмыстық қудалау органымен хабардар боласыз. Сонымен қатар, аудан прокуратурасымен қылмыстық іс жүргізу заңдылығының нормаларын бұзуына байланысты тергеуші Н.Молдашевқа қатысты тәртіптік өндіріс қозғалды.
  • Сұрақ №: 3212
    Дата: 30.07.2013 18:43:06
    Аты-жөні: ЖУМАГУЛОВА АЛМАТ
    Сұрақ:
    Балхаш калсынын ГОВД кызметкерлері менің ісімді жауып тастады 11/04/2013 жылы ДТП пешеходта кызымды Амирхан Молдир Дарханкызын кағып кеткен,осы кунге шейин ісім тоқтап тұр. тергеуші Аяшбеков Дархан. комек сураймые сотка жиберуіңәздә сұраймын
    Жауап күні:
    2013-08-06
    Жауап:
    Жумагуловой А.О. Сіздің қызыңыздың жол апатына түскен дерегі бойынша Балқаш қаласының ішкі істер қызметкерлерінің әрекетсіздігі туралы арызыңыз Астана қала прокуратурасы тарапынан қаралды. Анықталғаны, оқиға 11.04.2013 ж. Қарағанды облысы аймағында орын алған. Сол себепті түсіндіреміз, көрсетілген дерек бойынша арыз-шағымдарыңызды Қарағанды облысы ІІД-мен тергелу ретіне байланысты Қарағанды облысы прокуратурасына жүгіне аласыз. Астана қаласының прокуроры М. Жөргенбаев
  • Сұрақ №: 3001
    Дата: 14.07.2013 03:04:39
    Аты-жөні: Абатова Марта
    Сұрақ:
    Не себептен адам баласы жазыксыздан-жасызыксыз камауга алынуы керек?
    Жауап күні:
    2013-09-20
    Жауап:
    Құрметті Марта Абатовна ! Сіздің, «Не себепті адам баласы жазықсыздан-жазықсыз қамауға алынуы керек?»- деген сұрағыңызға төмендегідей жауап беремін. ҚР ҚІЖК-нің 150 бабының 1 бөлігіне сәйкес, қамауға алу бұлтартпау шарасы ретінде соттың санкция беруімен ғана және заңмен кемінде бес жыл мерізімге бас бостандығынан айыру түріндегі жаза көзделген қылмыс жасаған деп айыпталушыға, сезіктіге қатысты ғана қолданылады. Ерекше жағдайларда бұл бұлтартпау шарасы заңмен кемінде бес жыл мерзімге бас бостандығынан айыру түріндегі жаза көзделген қылмыс жасаған деп айыпталушыға, сезіктіге қатысты, егер: 1. Оның Казақстан Республикасы аумағында тұрақты тұратын жері болмаса; 2. Оның жеке басы анықталмаса; 3. Ол бұрын таңдалған бұлтартпау шарасын бұзса; 4. Ол қылмыстық қудалау органдарынан немесе соттан жасырынуға тырысса немесе жасырынса; 5. Ол ұйымдасқан топтың немесе қылмыстық қоғамдастықтың (қылмыстық ұйымының) құрамында қылмыс жасады деп айыпталса не оған күдік келтірілсе; 6. Оның бұрын жасаған ауыр немесе аса ауыр қылмысы үшін соттылығы болса, қолданылуы мүмкін. Сонымен қатар, осы кодекстің 22 бабының 1 бөлігінде, Судья сот әділдігін атқару кезінде тәуелсіз болады және Қазақстан Республикасының Конституциясы мен заңға ғана бағынады делінген. Демек, азаматтардың конституциялық құқығын қорғау мақсатында, оларды қамау, сонымен қатар бас-бостандығынан айыру өкілеттігі соттың құзырына берілген. Аталған кодекстің 19 бабының талабына сәйкес, әр адамның қылмыс жасағаны ушін кінәлілігі осы Кодексте көзделген тәртіппен дәлелденгенге және соттың заңды күшіне енген үкімімен белгіленгенге дейін кінәсіз саналады және ешкім де өзінің кінәсіздігін дәлелдеуге міндетті емес. Айыптау үкімін болжамдарға негіздеуге болмайды және ол ақиқат дәлелдердің жеткілікті жиынтығымен расталуы тиіс. Олай болса, жазықсыз азаматты ақиқат дәлелдердің жеткілікті жиынтығы болмаса және оның кінәсі осы Кодексте көзделген тәртіппен дәлелденбесе қамауға, бас бостандығынан айыруға жол берілмейді.

Беттер